Ўзбекистон ҳукумати 2020 йил 15 ноябрь куни махсус самолётда Қирғизистонга инсонпарварлик ёрдами юборди, дея хабар бермоқда Қирғизистон Ташқи ишлар вазирлиги.
Маълум қилинишича, Ўзбекистон томони Қирғизистонга инсонпарварлик ёрдами сифатида тиббий анжом, дори-дармон юборган. Келгусида ўзбек томони карантин контейнерлари, шунингдек, 3000 тонна буғдой юбориши режалаштирилган.
Қайд этилишича, Ўзбекистоннинг инсонпарварлик ёрдами махсус самолётда юборилган.
Вазирликнинг таъкидлашича, етказилган ёрдамда 100 минг жуфт бир марталик тиббий қўлқоп ва 10 мингта тиббиёт комбинезони, 2 мингта тиббий ҳимоя қилувчи кўзойнак, 10 мингта тест синовлари, 5 минг қути «Ремдесивир» ва минг қутидаги «Гепарин», 4 минг дона «Натрий хлор», шунингдек, шприц ва системалар мавжуд.
Бундан ташқари, иккита модулли, технологик шифохоналар қурилиши бошланди. Тез кунларда темир йўл алоқаси орқали навбатдаги инсонпарварлик ёрдами юборилиши кутилмоқда.
Унда карантин учун 400 та махсус контейнер ва 3 минг тонна буғдой келтирилиши маълум қилинган.
«Қирғизистон томони кўрсатилаётган ёрдамни юқори баҳолайди ва биродар Ўзбекистон халқига мамлакатда коронавирус инфекциясининг тарқалишининг олдини олиш бўйича чора-тадбирлар доирасидаги навбатдаги кўмак учун миннатдорлик билдиради», – дейилади вазирлик хабарида.
Аввалроқ Шавкат Мирзиёев телефон орқали Садир Жапаров билан стратегик шериклик муносабатларини муҳокама қилгани хабар қилинганди. Шу билан бирга, Шавкат Мирзиёев Ўзбекистон Қирғизистоннинг барқарор ривожланиш йўлидаги интилишини ҳар томонлама қўллаб-қувватлашини таъкидлаб ўтганди.
Изоҳ (0)