Давлат солиқ қўмитаси 1 октябрь ҳолатига кўра, Ўзбекистондаги солиқ тўловчилар сонига оид маълумотлар билан бўлишди. Аниқланишича, уларнинг сони деярли барча солиқ турлари бўйича ошган.
Spot’нинг ДСҚ маълумотларига таяниб ёзишича, ҚҚС тўловчилари ва даромад солиғини тўлайдиган шахслар сони кўпайган. Ер солиғини тўлайдиган жисмоний шахслар ортган, шу турдаги солиқни тўловчи юридик шахслар камайган.
Юридик шахслар орасида қуйидаги солиқ турларини тўловчилар ортган:
- ҚҚС — 62 фоиз;
- Даромад солиғи — 63,7 фоиз;
- Мол-мулк солиғи — 0,9 фоиз;
- Сув ресурсларидан фойдаланганлик учун солиқ — 16,7 фоиз;
- Ер ости бойликларидан фойдаланганлик учун солиқ — 36,8 фоиз.
Жисмоний шахслар орасида мол-мулк солиғини тўловчилар 3,4 фоизга, шунингдек, ер солиғини тўловчилар – 3,3 фоизга ошган. Шу билан бирга, даромад солиғини тўловчилар камайган — 5,1 фоизга.
Аввалроқ Молия вазирлиги 2020 йил 1 октябрь ҳолатига Ўзбекистон давлат бюджети даромадларининг ижроси тўғрисида маълумотлар билан бўлишганди. Унда мамлакатдаги расмий ишчиларнинг салкам 43 фоизи 1 миллион сўмгача ойлик оладиган ходимлар эканлиги қайд этилган. Бандлик ва меҳнат муносабатлари вазирлиги таҳлилларига кўра, 2020 йилнинг январь—июнь ойларида иқтисодиёт тармоқларининг расмий секторида банд бўлган аҳоли сони 5,5 миллион кишини ташкил қилган.
Изоҳ (0)