Россияда яна 22 778 кишида COVID-19 аниқланди. Бу суткалик касалланиш бўйича янги антирекорд
Россияда 16 ноябрь тонгги ҳолатга кўра, коронавирусга чалиниш билан боғлиқ 22 778 та янги ҳолат қайд этилди, деб хабар бермоқда Meduza. Бу суткалик касалланишлар сони бўйича янги рекорд. Аввалги рекорд — суткасига 22 702 та касалланиш ҳолати 14 ноябрь куни қайд этилганди.
Янги аниқланган касалланиш ҳолатларининг аксарияти Москва (6360 та) ва Санкт-Петербург (2039 та) шаҳарлари, Москва (810) ҳамда Нижний Новгород (403 та) вилоятларида кузатилган.
Мавзуга доир: Москва мери Сергей Собянин шаҳар аҳолисининг қанчаси коронавирусга чалиниб чиққанини айтди
Сўнгги бир кеча-кундузда инфекциядан 303 киши, пандемия бошланганидан буён эса 33 489 киши вафот этган.
Соғайганлар сони 1 453 849 нафарни ташкил этмоқда, шулардан 13 864 нафари сўнгги суткада тузалиб чиққан.
«Роспотребнадзор» маълумотларига кўра, мамлакатда коронавирусни аниқлаш бўйича сўнгги 24 соат ичида 534 мингта, умумий ҳисобда эса 69,1 миллионтадан ортиқ тест ўтказилган.
Россиялик вирусолог, профессор Виктор Зуевнинг айтишича, мамлакатда эпидемиологик вазият 2021 йил ёзида барқарорлашади. «Вектор» вирусология ва биотехнология давлат илмий маркази бош директори ўринбосари Александр Агафоновнинг фикрича, коронавирус инфекцияси устидан назоратни вакцина ёрдамида ўрнатиш мумкин.
Мавзуга доир: Россия лабораторияларида COVID-19 тестлари 40 фоизгача ҳолатда хато натижа чиқараётгани сабаби айтилди
