Сурия ташқи ишлар вазири Валид Муаллим 79 ёшида вафот этди. Бу ҳақда SANA давлат агентлигига таяниб, «РБК» хабар берди.
«Ташқи ишлар вазирлиги бош вазир ўринбосари, ташқи ишлар вазири Валид Муаллимнинг ўлими муносабати билан ҳамдардлик билдиради», — дейилади хабарда.
Дипломатнинг ўлимига нима сабаб бўлгани очиқланмаган.
Валид Муаллим иштирокидаги сўнгги тадбир 25 октябрь куни бўлиб ўтган. Ўшанда у Дамашқда БМТ бош котибининг Сурия бўйича махсус вакили Гейр Педерсен билан учрашган эди.
Валид Муаллим 1941 йилнинг 17 июлида Дамашқда туғилган. 1963 йилда Қоҳира университетини «иқтисодиёт» мутахассислиги бўйича тамомлаган. У Сурия собиқ президенти Хафиз ал-Асаднинг тарафдори бўлган Абдул Ҳалим Ҳаддамнинг яқин одамларидан бири ҳисобланган.
1964 йилда Муаллим Сурия Ташқи ишлар вазирлигида ишлаган, мамлакатнинг Танзания, Саудия Арабистони, Испания ва Буюк Британиядаги миссияларида хизмат қилган. 1975—1980 йилларда Суриянинг Руминиядаги элчиси лавозимида ишлаган. 1984—2005 йилларда Сурия бош вазири ўринбосари лавозимида фаолият юритган, 2006 йилда ТИВ раҳбари этиб тайинланган. Шунингдек, у Сурия тарихига оид қатор китоблар муаллифи ҳам ҳисобланади.
Изоҳ (0)