Республикачилар партиясидан номзод, АҚШнинг амалдаги раҳбари Дональд Трамп президентлик сайловларида ғолиб бўлганини эълон қилди. «РБК»нинг хабар беришича, бу ҳақда у Twitter’ида ёзиб қолдирган.
«Мен сайловларда ғолиб бўлдим», — деган Трамп. Ижтимоий тармоқ унинг постини расмий натижалар бунинг аксини кўрсатганлиги ҳақидаги хабар билан қайд этган.
Куни кеча Трамп демократ Жо Байденнинг президентлик сайловларидаги ғалабасини тан олишдан бош тортишини айтганди. У сайловлар қонунбузарликлар билан ўтган деган фикрда. Бошқа твитда Трамп сайловларда мамлакат Конституцияси бузилганини ёзган.
«Нега фейк ОАВлар биз томон ҳозир нималарга тайёрланаётганимизни, 2020 йилги сайловларда буюк Конституциямизнинг бузилиши қанчалик кучли бўлганлигини ҳатто кўрсатишга ҳам йўл қўймасдан нуқул Жо Байден президент бўлади деб тахмин қилмоқда? Эҳтимол, ўтмишда бунга тенг келадиган қонунбузарлик бўлмагандир?» — деб ёзган Трамп.
Давлат раҳбарининг сўзларига кўра, Республикачилар партиясидан бўлган кўп сонли кузатувчилар овозларни санаш жойига киритилмаган. Президент, шунингдек, демократлар ўз партиясидан бўлган номзодга ёрдам бериш учун бюллетенларга «ўзгартиришлар киритган»нини айтган. Бундан ташқари, у почта орқали овоз бериш натижаларини «қалбаки» деб атаган.
Twitter Трампнинг сайловлардаги қонунбузарликлар айтилган иккала тивитини бу таъкидлар баҳсли эканлиги ҳақидаги қайд билан белгилаган.
АҚШда президент сайлови 2020 йил 3 ноябрда бўлиб ўтди. 16 ноябрь ҳолатига кўра натижалар ҳали расман эълон қилинмади. Америка ОАВлари Демократлар партиясидан номзод Жо Байденни ғолиб деб топди. Кўплаб мамлакатлар раҳбарлари, хусусан, Жанубий Корея президенти Мун Чже, Туркия президенти Ражаб Тоййиб Эрдўғон, шунингдек, БМТ бош котиби Антониу Гутерриш Жо Байденни АҚШ президентлиги сайловидаги ғалаба билан табриклаган. Россия президентининг матбуот котиби Дмиртий Песков эса Путин «сайлов натижалари расман эълон қилинганидан кейин» табриклашини билдирган. Facebook раҳбари Марк Цукерберг Жо Байденни АҚШ президентлик сайловлари ғолиби деб атади.
14 ноябрь куни Вашингтонда АҚШ президентлик сайлови натижасидан норози бўлган минглаб кишилар амалдаги давлат раҳбари Дональд Трампни қўллаб-қувватлаб митингга чиқди. Унда Трампга қарши бўлганлар ҳам қатнашди ва намойиш тўқнашувга айланиб кетди.
Изоҳ (0)