Профессионал футбол Лигаси (ПФЛ) бош директори вазифасини бажарувчи Диёр Имомхўжаев «Sport-TV» телеканали орқали эфирга узатилган кўрсатувда футбол академиялари фаолияти ва бу борада чет эл тажрибасидан фойдаланиш қай даражада самарадор эканлиги ҳақида фикр билдирди.
Академияни Жаҳон Чемпионати билан боғлаш қай даражада тўғри билмадим. Жаҳон Чемпионатида ўйнаш асосий мақсад бўлиши керак эмас. Мундиалда КХДР, Саудия Арабистони, Хитой каби терма жамоалар иштирок этиб футболи кескин ўзгариб кетгани йўқ.Мавзуга доир:Ҳар тўрт йилликнинг нуфузли мусобақасига йўлланма олиш менинг ҳам орзум. Академияга кучли мутахассис олиб келиш учун академияни ўзи бўлиши керак. Қатар бунинг учун катта куч сарфлади, 2022 йилги Жаҳон Чемпионати учун 10 йилдан бери ҳаракат қилиб келади. Бунинг меваларини энди яқинда кўра бошлади. Хавини, Феликс Санчесни олиб келиш учун кўп маблағ сарф қилди. Бизда футболга бундай пул йўқ. Кўрпамизга қараб оёқ узатишимиз керак. Биз тўғри йўналишдан кетадиган бўлсак салоҳиятимиз Қатарникидан 3 баробар кўплигини кўрамиз. Имкониятларимиз зўр, фақат тўғри йўналишга тушиб олишимиз керак.
Қишлоқ жойларга келиб селекция қилишмайдими мураббийлар деган саволни кўп беришади. Лекин бу талабдан келиб чиқилади. Селекционер иқтидорини кўриш учун ҳадеб боравермайди. «Реал» ва «Барселона» жамоалари нега Бразилияга бориб ётиб олди? Ҳар бир болада еврони кўради, уни олиб келиб сотиш мумкин бўлади. Ўзбекистонда у ердан бу ерга сотилаётганда пулнинг ўзи борми? Бу нарса шаклланмагандан кейин селекционерни иккита мактаб ўртасидаги ўйинни кўришга имконияти йўқ. Одамлар ҳам фикрлашини ўзгартириши керак. Иқтидорим бор, мени келиб кўр деган билан иш битмайди. Ўзбекистон Хитойдек давлат эмас бир миллиард аҳолиси бор.
Масалан, Жасур Жалолиддинов қийин оиладан чиққан, ота-онаси кучли эътибор бера олмаган футболчини «Бунёдкор» бориб Навоийдан топиб келган тўғрими? Иқтидорли болалар ўзининг БЎСМ, ИБЎСМ орқали ҳам иқтидорини намойиш қилса бўлади. Ўзбекистонда иқтидорли бола қаерда бўлса ҳам кўринади. Дунёқарашимизни ўзгартиришимиз керак, ҳаракат қилса Ўзбекистон кўзга кўринадиган майдон. Ишни тўғри йўлга қўйишимиз керак.
Диёр Имомхўжаев, ПФЛ бош директори вазифасини бажарувчи
- Диёр Имомхўжаев ҳам клубда, ҳам терма жамоада ишлаётган мураббийлар ҳақида: «Биз бунга жиддий қаршимиз ва бу борада ўз талабимизни қўйдик»
- Диёр Имомхўжаев: «Пандемия шароитига қарамай барча мусобақаларни охиригача ўтказишга эришдик»
- Диёр Имомхўжаев: «Алишер Никимбаев каби инсон билан ишлашни хоҳламайман»
- Диёр Имомхўжаев букмекерлик компаниялари ҳақида: «ПФЛда шундай таклифлар борки, биз клублардан олинадиган бадал пулларидан воз кечиб, уларнинг ўзига пул тўлай оламиз»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)