Италия терма жамоаси Миллатлар Лигаси 5-тури доирасида кечган баҳсда Польшани мағлубиятга учратди (2:0).
Роберто Манчини қўл остидаги жамоа кетма-кет 21 ўйиндан буён ютқазмаяпти — 16 ғалаба, 5 дуранг. Бу муддат ичида Евро—2020 саралаш баҳсларидаги ўнта ўйинда ўн ғалаба қўлга киритилганди.
Сўнгги бор Италия Манчини бошқаруви остида 2018 йилнинг 10 сентябрида Португалияга (0:1) ютқазганди.
Эслатиб ўтамиз мутахассиснинг ўзи коронавирусга чалингани боис бу ўйинни ўтказиб юборди.
Апеннинликлар Миллатлар Лигасининг А1 гуруҳида 9 очко тўплаган ҳолда биринчи ўринда бормоқда. Кейинги ўринларда Нидерландия (8) ва Польша (7) бормоқда.
Италия сўнгги турда гуруҳ аутсайдери Босния ва Герцеговинага (2) қарши баҳс олиб боради. Бу ўйиндаги ғалаба Манчини жамоасига ярим финал эшикларини очади.
Мавзуга доир: Италия терма жамоаси 26 йил аввалги рекордини такрорлади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)