Тошкент давлат аграр университетининг Нукус филиали негизида Қорақалпоғистон қишлоқ хўжалиги ва агротехнологиялар институти ташкил этилиши мумкин. Бу борадаги Президент қарори лойиҳаси жамоатчилик муҳокамасига қўйилди.
Ҳужжат лойиҳасига кўра институтнинг асосий вазифалари этиб қуйидагилар белгиланмоқда:
- республиканинг шимолий минтақаси учун қишлоқ хўжалигида инновацион ресурс тежайдиган илғор технологияларни қўллаш, «Ақлли қишлоқ хўжалиги» (Smart agriculture) ва рақамлаштирилган агротехнологияларни жорий қилиш бўйича замонавий билим ва кўникмаларга эга бўлган кадрларни тайёрлаш;
- ўқув-лаборатория базасини модернизациялаш, фан дастурларида соҳага оид инновацион ва замонавий ишлаб чиқариш жараёнлари, юқори унумли ҳамда ресурс тежайдиган илғор технологиялар бўйича билимларни акс эттириш;
- замонавий технологиялар ва интерактив таълим услубларини (E-Minbar электрон платформаси), талабаларнинг мустақил ўқув ва амалий фаолиятини (кейс-стади, коучинг ва бошқалар) ривожлантириш орқали амалиёт ўташ, шунингдек, ўқитувчи ва талабанинг ўзаро масофавий ҳамкорлигини (вебинар технологиялар) таъминлашга, уларда инновацион ва таҳлилий фикрлашни ривожлантиришга мўлжалланган модулли, объектга йўналтирилган ва динамик таълим муҳитини (Moodle) кенг жорий қилиш ва бошқалар.
Аввал Давлат солиқ қўмитаси ҳузурида Фискал институт тузилгани, Ўзбекистонда Ўрмон хўжалиги институти ташкил этилиши, Марказий Осиё халқаро институти ташкил этилгани ҳақида хабарлар берилган.
Изоҳ (0)