Коронавирусга қарши курашиш штаби аъзоси Нурмат Отабеков иштирокида 14 ноябрь куни брифинг ўтказилди. Унда мамлакатда коронавирус бўйича вазиятнинг яна мураккаблашиш эҳтимоли ҳақида сўралди.
«Албатта, бу эҳтимол йўқ эмас. Мен мутахассис сифатида ҳозирги ҳолатни алдамчи барқарорлик, алдамчи осойишталик, деб баҳолаган бўлардим. Демак, биз ҳушёр бўлишимиз керак. Агар саломатлигимизга бефарқ бўлмасак, касалликнинг бирор-бир клиник белгиларини сезган заҳоти тиббиёт ходимларига мурожаат қилсак, ўзбошимча даволанишга уринмасак, уй шароитида даволаниш ва карантинда бўлиш қоидаларига риоя қилсак, у ҳолда вазиятни барқарор ушлаб туришимиз мумкин.
Акс ҳолда эпидемик вазият янада мураккаблашиши мумкин. Куз-қиш пайти вирусли, респиратор касалликларнинг мавсумий кўтарилиш даври ҳисобланади. Бу эса зиммамиздаги масъулиятни янада ошириш керак деб ўйлайман», – деди Нурмат Отабеков.
Аввалроқ Барно Абдусаматова гигиенага риоя этилса, ниқоб тақиб, ижтимоий масофа сақланса, Ўзбекистонда карантин кучайтирилмаслигини айтган эди.
Мавзуга доир:
- «Иккинчи тўлқин биринчисидан кўра узоқроқ давом этади» — қозоғистонлик эксперт коронавирус ҳақида
- Тошкентда ярим йил COVID-19 беморлари орасида яшаб касал бўлмаган бош шифокор мактабга чиқа бошлаган неварасидан коронавирус юқтириб олди
- Карантин жорий этилгандан буён хорижда қолиб кетган 400 мингдан ортиқ ватандош Ўзбекистонга қайтарилди
Изоҳ (0)