Ўзбекистон терма жамоаси 12 ноябрь, пайшанба куни Сурияга қарши ўртоқлик учрашуви ўтказди.
Учрашув ҳар икки томоннинг фаоллигида бошланди, бироқ 10-дақиқадаёқ майдондаги вазият ўзгарди. Дарвозабон билан бирга бир вазиятга чиқиб кетаётган ўйинчини тўхтатиб қолган Ҳожиакбар Алижонов ҳакам томонидан тўғридан-тўғри қизил карточка лойиқ кўрилди. Танаффусга қадар Вадим Абрамов шогирдлари Сурия билан тенгма-тенг ўйин намойиш қилди.
Иккинчи бўлим дебютида сурияликлар ҳисобни очишга муваффақ бўлди. Жалолиддин Машариповнинг ноаниқ узатмасидан кейин сурияликлар қарши ҳужумга ўтиб кетди: Маҳмуд ал-Мовас эса қулай имкониятни кўкка совурмади.
52-дақиқада Юсуф ал-Ҳамви қўпол ҳаракати учун майдондан четлатилди. Орадан кўп ўтмай сурияликлар пенальти ишлаб олди, бироқ ал-Моваснинг зарбасини Абдувоҳид Неъматов қайтаришга эришди.
Шундан кейин ўзбекистонликлар фаолликни оширди. Бироқ сурияликлар чуқур ҳимоя ва эпизодларда вақтни чўзиш орқали темпни туширишга ўйнади. Сўнгги дақиқаларда «оқ бўрилар» бир қатор голга тортадиган вазиятларга эга бўлди. Бироқ ҳисоб ўйин якунига қадар ўзгармади.
Ўртоқлик учрашуви
12 ноябрь, пайшанба
Сурия — Ўзбекистон 1:0
Гол: 1:0 – 47 ал-Мовас.Сурия: Иброҳим Алма, Юссуф ал-Ҳамви, Муаяд Алажа, Фарис ал-Арнаут, Амар ал-Мидони, Камел Ҳмеишеҳ, Аиас Осман, Маҳмуд ал-Мовас, Муҳаммад Осман, Маҳер Даабул, Алаа Эдин Дали.
Ўзбекистон: Абдувоҳид Неъматов, Ислом Қобилов, Ҳожиакбар Алижонов, Азизжон Ғаниев, Ойбек Бозоров (Достонбек Ҳамдамов, 61), Жалолиддин Машарипов (Ҳожимат Эркинов, 61), Лутфулла Тўраев (Санжар Қодирқулов, 82), Бобур Абдухолиқов (Темурхўжа Абдухолиқов, 76), Игор Голбан (Мурод Холмуҳаммедов, 68), Жамшид Искандаров (Аброр Исмоилов, 68), Иброҳимҳалил Йўлдошев.
Огоҳлантиришлар: Тўраев (11), Қобилов (65), Холмуҳаммедов (79).
Четлатишлар: Алижонов (10), Ал-Ҳамви (52).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)