«Барселона» матбуот хизмати футболчиларнинг маошини камайтириш борасидаги музокаралар натижасини эълон қилди.
Таъкидланишича, бир неча кун давом этган музокаралар натижа бермаган ва футболчилар маошларнинг яна бир бор қисқаришига рози бўлмаган.
«Барселона» футболчиларга яна бир бор ўйлаб кўриш учун 23 ноябрга қадар вақт берган.
Клубнинг 2020/21 йилги мавсумдаги даромади 300 миллион еврога пасайиб кетган, «Барса» эса маошларни қисқартирган ҳолда 191 миллион еврони тежаб қолмоқчи.
Эслатиб ўтамиз, «Барселона» коронавирус пандемияси сабаб баҳорда маошларни қисқартирганди. Октябрь ойида эса бир қатор футболчилар маошининг камайишига рози бўлган ҳолда клуб билан янги шартнома имзолаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)