АҚШнинг Жоржия штатида президентлик сайловида Дональд Трамп ва Жо Байденга берилган овозлар қайта ҳисоблаб чиқилади. Бу ҳақда штатнинг давлат котиби Бред Раффенспергер CNBC нашрига маълум қилди, деб ёзмоқда Meduza.
Овозларни қайта ҳисоблаш қўлда амалга оширилади. Раффенспергернинг сўзларига кўра, номзодларга берилган овозлар ўртасидаги фарқ жуда кичик бўлгани сабабли овозлар қўлда қайта ҳисобланади.
Жоржия штатида Байден учун сайловчиларнинг 49,5 фоизи, Трамп учун 49,2 фоизи овоз берган. Штат овоз бериш натижаларини 20 ноябргача тасдиқлаши керак.
АҚШда президентлик сайлови 2020 йилнинг 3 ноябрь куни бўлиб ўтди, овозлар бир неча кун давомида ҳисоблаб чиқилди, 7 ноябрь куни АҚШнинг йирик ОАВлари сайловда Байден ғалаба қозонганини маълум қилди. Дональд Трамп эса мағлубиятни тан олмади.
Изоҳ (0)