AQShning Jorjiya shtatida prezidentlik saylovida Donald Tramp va Jo Baydenga berilgan ovozlar qayta hisoblab chiqiladi. Bu haqda shtatning davlat kotibi Bred Raffensperger CNBC nashriga ma’lum qildi, deb yozmoqda Meduza.
Ovozlarni qayta hisoblash qo‘lda amalga oshiriladi. Raffenspergerning so‘zlariga ko‘ra, nomzodlarga berilgan ovozlar o‘rtasidagi farq juda kichik bo‘lgani sababli ovozlar qo‘lda qayta hisoblanadi.
Jorjiya shtatida Bayden uchun saylovchilarning 49,5 foizi, Tramp uchun 49,2 foizi ovoz bergan. Shtat ovoz berish natijalarini 20-noyabrgacha tasdiqlashi kerak.
AQShda prezidentlik saylovi 2020-yilning 3-noyabr kuni bo‘lib o‘tdi, ovozlar bir necha kun davomida hisoblab chiqildi, 7-noyabr kuni AQShning yirik OAVlari saylovda Bayden g‘alaba qozonganini ma’lum qildi. Donald Tramp esa mag‘lubiyatni tan olmadi.
Izoh (0)