«Қачон дадам фильм суратга олсалар, ўшанда ўйнайман». Актёр Улуғбек Юнусов нима учун фильмларда суратга тушмаётганини маълум қилди (видео)

Актёр ва режиссёр Улуғбек Юнусов «Дарё» интернет-нашри учун эксклюзив интервью берди. Интервьюни «Дарё» мухбири Феруз Муҳаммад ташкиллаштирди.

Улуғбек Юнусов суҳбат давомида сўнгги вақтларда нима сабабдан фильмларда роль ижро этмаётганига ойдинлик киритди.

Киностудия таъмирлаш ишлари учун фаолиятини бирмунча тўхтатиб қўйди. ‘Ўзбекфильм’дан қачон таклиф бўлган бўлса, борганман. Ҳеч қачон рад қилмаганман. Берадиган пулига ҳам қарамаганман. Кейин ҳамма ўзининг ўғли, жияни, қариндошини суратга олишни бошлади.

Кейин нега суратга тушмаяпсан дейишса, қачон дадам фильм суратга олсалар, тушаман, деб ҳазиллашадиган бўлдим.

Кинони номи ўзгаради, сюжет ўзгаради, аммо актёрлар ўзгармайдиган бўлиб қолган эди. Ҳамма фильмда актёрлар деярли бир хил эди. Бунинг вақтинчалигини биламиз. Чунки бир хиллик одамнинг жонига тегади. Бу нарса тўхтайди. Ҳали катта асарларимиз олдинда. Кўплаб ижодкорларимизни йиғиб олсак, бомба-бомба ишларни қилармиз.

Улуғбек Юнусов, актёр, режиссёр