Ўзбекистон халқ артисти Ёдгор Саъдиев Ўзбек миллий академик драма театри директори этиб тайинланди. Бу ҳақда Маданият вазирлиги матбуот хизмати хабар берди.
«Айни вақтда театр жамоаси билан йиғилиш ўтказилмоқда. Унда иштирок этаётган Ўзбекистон Республикаси Маданият вазири – Ўзбекистон халқ артисти Озодбек Назарбеков Ёдгор Саъдиевни Ўзбек Миллий академик драма театри директори лавозимига тайинланганини эълон қилди», — дейилади вазирлик хабарида.
Маълумотларга кўра, Ўзбек миллий академик драма театри директори Фатҳулла Маъсудовнинг вафотидан сўнг директор вазифасини вақтинча актёр Асатилла Набиев бажараётган эди.
Маълумот учун, Ўзбек миллий академик драма театри рэпертуаридаги спектакллар намойиши 31 октябрдан бошланади.
Эслатиб ўтамиз, Ёдгор Саъдиев 1946 йилда Тошкент шаҳрида таваллуд топган. Тошкент давлат театр ва рассомчилик институтини тамомлаган. Фаолиятини Ўзбек миллий академик драма театрида бошлаган. У «Қароқчилар», «Уйланиш», «Бой ила хизматчи», «Юлдузли тунлар», «Алишер Навоий», «Келинлар қўзғолони» каби 60дан ортиқ спектаклларда роллар ижро этган. Шу билан бирга, Тоҳир Маликнинг «Шайтанат» асари асосида суратга олинган сериалдаги ижроси ҳам томошабинлар меҳрини қозонган.Актёр 1998 йилда Ўзбекистон халқ артисти унвонига билан тақдирланган.
Мавзуга доир:
- Ёдгор Саъдиев «Шайтанат»нинг 20 йил давомида телевидениеда нима учун намойиш этилмаганини маълум қилди
- Тоҳир Малик «Шайтанат» асарини фильм қилиш ҳуқуқини фақат Ёдгор Саъдиевга берганми? Актёрнинг ўзи бунга ойдинлик киритди (видео)
- «Шифокорлар бир асраб қолишган». Ёдгор Саъдиев юрак билан боғлиқ касаллик билан курашиб келаётганини маълум қилди (видео)
Изоҳ (0)