Ўзбекистон маданият вазири Озодбек Назарбеков санъат аҳли билан учрашди.
Учрашув давомида «Ўзбекконцерт» давлат муассасаси томонидан амалга оширилиши лозим бўлган ишлар муҳокама қилинди. Шунингдек, айни пайтда Маданият вазирлиги Концерт-томоша фаолиятини ривожлантириш бошқармаси бошлиғи вазифасида ишлаб келаётган Анваржон Тожибоев «Ўзбекконцерт» давлат муассасаси директори вазифасини вақтинча бажарувчи этиб тайинланди.
Анваржон Тожибоев фаолияти давомида «Ёшлар» телерадиоканалининг «Маънавият» бош таҳририяти муҳаррири, «Ўзбекнаво» эстрада бирлашмаси бош директор ёрдамчиси, Ўзбекистон маданият ва спорт ишлари вазирлиги ижодий бирлашмалар ва халқ ижодиётини ривожлантириш бошқармаси бошлиғи ўринбосари, Ўзбекистон маданият вазирлиги ижодий бирлашмаларни ривожлантириш ва оммавий-маданий тадбирларни ташкил этиш бошқармаси бошлиғи ўринбосари каби масъул вазифаларда самарали меҳнат қилган, дейилади хабарда.
Маълумот учун, 2020 йилнинг июнь ойида 2017 йилдан буён муассасага раҳбарлик қилиб келган Одилжон Абдуқаҳҳоров бошқа ишга ўтганлиги муносабати билан лавозимидан озод этилган, муассаса директорининг ижодий масалалар бўйича ўринбосари лавозимида ишлаб келган Алишер Жамолдинов вақтинча директор вазифасини бажарувчи этиб тайинланган эди.
Изоҳ (0)