Италиялик полициячилар Lamborghini Huracan шарофати билан беморнинг ҳаётини сақлаб қолди. 610 от кучига эга хизмат купеси донорлик буйрагини Падуядан Римга олиб келган — суперкар тез ёрдам машиналарига беш соат кетадиган 500 километрни уч соатда босиб ўтган, деб ёзади Motor.
Италия полициясининг донорлик органларини ташишга мўлжалланган Lamborghini Huracan машинасининг олд юкхонаси музлаткичга айлантирилган, шунингдек,унинг ичидан махсус дефибриллятор ҳам ўрин олган.
Бундан ташқари, полиция купеси оддий Huracan LP-610’дан шакли, олд, орқа, ён ва тепа қисмидаги диодли кўк махсус сигналлари, катта антеннаси ва йўл ҳаракати қоидаларининг бузилишини қайд этадиган фото-видео камералар жамланмаси билан ажралиб туради.
Италия полициясига Huracan 2014 йилда, тақдимотидан бир неча ой ўтиб совға қилинган — икки эшикли машина калитларини маҳаллий полиция бошлиғига Lamborghini раҳбари совға қилган. Huracan идоранинг гаражидаги бошқа бир супаркарни — Gallardo’нинг ўрнини эгаллаган.
Эслатиб ўтамиз, 2017 йилда Дубай полицияси энг тезкор автомобили туфайли Гиннесснинг рекордлар китобига кирган эди. Ўшанда Дубай полицияси хизматидаги Bugatti Veyron’нинг энг юқори тезлиги соатига 407 километрни ташкил қилган.
Изоҳ (0)