Пастдарғомда Cobalt ҳамда Nexia иштирокидаги ЙТҲда ҳайдовчилардан бири вафот этди

Самарқанд вилояти Пастдарғом туманида Cobalt ва Nexia иштирокида йўл-транспорт ҳодисаси содир бўлди, дея хабар бермоқда ИИВ.

Қайд этилишича, 2020 йил 6 ноябрь куни 6:00 ларда Самарқанд вилояти Пастдарғом туманидан ўтувчи 4Р-46 йўлининг 32-километрида Cobalt ва Nexia автомашиналари иштирокида ЙТҲ содир бўлган.

Самарқанд вилояти ИИБ ЙҲХБ бошлиғи Фарҳод Шайзаковнинг маълум қилишича, Cobalt ва Nexia олдинма-кетин ҳаракат қилиб келаётган бўлган. Уларнинг олдида кетаётган «Жигули» машинасини уриб олмаслик учун Cobalt ҳайдовчиси машинани кескин ўнг тараф – йўл четига олган.

Nexia ҳам «Жигули» билан тўқнашиб кетмаслик учун чапга – йўлнинг қарама-қарши томонига ўтиб кетган. Асосий йўлга қайтиб олаётган вақтда Cobalt автомашинаси «Жигули» қувиб ўтган Nexia’нинг ўнг томонидан келиб урган.

Натижада Nexia автомашинаси бошқарувни йўқотиб, йўл четидаги тут дарахтига бориб урилган. Бунинг оқибатида Nexia ҳайдовчиси оғир тан жароҳати олган.

Cobalt автомашинасининг ҳайдовчиси шифохонага олиб борган Nexia ҳайдовчиси кўрсатилган тиббий ёрдамга қарамай вафот этган.

https://www.youtube.com/watch?v=j5yY6z9YdFw&feature=youtu.беCobalt’лар тўқнашуви натижасида икки йўловчи ҳалок бўлгани, Навоийда маст ҳайдовчи содир этган ЙТҲ оқибатида 27 ёшли йигит бир қўлидан айрилгани ҳамда Гулистонда ЙҲХБнинг Mercedes машинаси «Нива»га урилиб, уни ағдариб юборгани ҳақида хабар берилганди.