Ҳиндистонлик Рибшох Дхедла ўз усули бўйича озди — у ҳар 10 кунда парҳезини ўзгартирган ва 11 ойда 50 килограммга озишга муваффақ бўлган. У соғлом ҳаёт тарзини Буюк Британияда ўқиб келганидан сўнг танлаган, деб ёзади «Korrespondent.net».
23 ёшли Дхедланинг вазни 138 килограммни ташкил этган, орадан қарийб бир йил ўтгач эса 88 килограммга етган. У Буюк Британияга ўқишга бориб қайтганидан сўнг озишга қарор қилган.
«У ерда одамлар фитнесни элита ҳаёт даражасига тенглаштиради. Ўзимни яхши ҳис қилиш, ҳурмат қозониш ва ўзим хоҳлаган кийимларни кийишим учун соғлом ҳаёт тарзини кечириш кераклигини тушуниб етдим», — дейди йигит.
Дхедла 2018 йилнинг охирларидан бошлаб Ҳиндистонга қайтганидан сўнг соғлом ҳаёт тарзида яшашга ўтган. Бу борада унга диетолог ёрдам берган. Мутахассис унинг овқатланиш рационини назоратга олган. У ҳар 1,5-2 соатда овқатланган. Таомномадан сабзавотлар, майдаланган буғдой, мевалар ва ёнғоқлар ўрин олган. У илиқ сув ва кўк чой кўп ичади.
«Танам бу каби диетага шу қадар ўргандики, ҳар сафар фастфуд ейишга уринганимда менда йўғон ичак билан боғлиқ синдром юзага келди», — дейди у.
Шунингдек, Рибшох Дхедла фитнес билан ҳам шуғулланишни бошлаган.
«Энг муҳими тартиб-интизомга риоя қилиш. Бу худди сеҳрдек ишлайди. Фитнеснинг иккинчи сири — сув. Кунига камида беш литр сув ичаман. У токсинларни ювиб ташлайди ва метаболизм самаралироқ бўлади», — дея озиш сирлари билан бўлишади Рибшох.
Шунингдек, унинг қўшимча қилишича, йигит тунги базмларни яхши кўрадиган дўстлари билан алоқаларни узишга мажбур бўлган.
Аввалроқ япониялик йигит бир йил ичида 65 кило озиб, таниб бўлмас даражада ўзгариб кетгани, шунингдек, америкалик эркак тирик қолиш учун 114 килога озишга мажбур бўлгани тўғрисида хабар берилганди.
Изоҳ (0)