Кувайтда мисрлик эркак ўзи билмаган ҳолда ахлат идишга ичида саккиз минг Кувайт динори (26 минг АҚШ доллардан ортиқроқ) бўлган қопни ташлаб юборди. У банкдан ечиб олган пулларини бошқа чиқинди пакетлари билан ташлаб юборилган полиэтилен пакетга солиб қўйган бўлган, деб хабар беради «Korrespondent.net».
Уйдан пулни топа олмаган эркак зудлик билан чиқинди контейнери томон югурган, бироқ бу вақтда барча қоплар чиқиндихонага жўнатиб бўлинган.
Мисрлик эркак полицияга мурожаат қилиб, ариза ёзган ва унга банк ҳисобидан пул ечиб олгани тўғрисидаги чек нусхаси бириктирган. Ҳозирда унинг аризаси текшириб чиқилмоқда.
Аввалроқ англиялик қизнинг туғилган кунига пул совға қилишгани, у эса пулларни адашиб ахлатга ташлаб юборгани тўғрисида хабар берилганди. 2018 йилда эса Қозоғистонда қўриқчи адашиб салкам 8 минг долларлик заргарлик буюмларини ахлатга ташлаб юборганди.
Изоҳ (0)