Американинг Теннесси штатида яшовчи эгизак опа-сингиллар Отем Шоу ва Эмбер Трамонтана ўзининг таваллуд кунида қиз фарзандини дунёга келтирди. Чақалоқлар бир-биридан 90 дақиқа фарқ билан туғилган, деб ёзади «Korrespondent.net».
Опа-сингиллар биринчи фарзандларини икки йил олдин 10 ҳафта фарқ билан дунёга келтирган. Шунингдек, улар иккинчи фарзандга бир хил вақтда ҳомиладор бўлишни режалаштирган эди. Аммо ҳеч ким чақалоқлар режага кўра туғилишини кутмаган эди.
Эмбер ва Отемнинг шифокори Жорж Викнинг сўзларига кўра, у ўзининг 45 йиллик тажрибасида бундай тасодифни кўрмаган.
Бундан ташқари, чақалоқлар бир кунда, энг қизиғи, оналарининг туғилган кунида дунёга келган. Эндиликда улар бир санада 4 кишининг туғилган кунини нишонлайди. Шунингдек, улар бир-бирларини туғилган кун билан табриклашни унутиб қўймайди.
Изоҳ (0)