Америка етакчиси Дональд Трамп АҚШ президенти сайловида ғолиб бўлаётганини, аммо ундан бу ғалабани «тортиб олишга» уринишаётганини айтди. Бу ҳақда у ўз Twitter’ида ёзди, дея хабар бермоқда «РБК».
«Биз баландга кўтарилдик, аммо улар сайловдаги ғалабамизни тортиб олишга уринмоқда. Биз бунга ҳеч қачон йўл қўймаймиз», — деди Трамп.
Twitter бу хабарни ретвит қилиш ва унга жавоб ёзиш имкониятини ўчириб қўйди. Кейинроқ эса унинг хабарини умуман ўчириб ташлади, сўнг яна жойига қайтарди, кейин эса яна ўчирди.
«Бу твит баҳсли контентдан иборат бўлиб, у сайловларда ёки бошқа фуқаролар тадбирларида қай тарзда иштирок этиш мумкинлиги борасида янглиш фикрлар уйғотиши мумкин», — дея ўз хатти-ҳаракатини изоҳлади Twitter.
Изоҳ (0)