4 ноябрь куни Навоий вилояти Ғозғон шаҳар Кенгаши иккинчи сессияси бўлиб ўтди. Унда Азим Бозоров Ғозғон шаҳар ҳокими этиб тасдиқланди, дея хабар бермоқда «Халқ сўзи Online».

Азим Бозоров 1975 йил Навоий шаҳрида туғилган. Мутахассислиги бўйича муҳандис, иқтисодчи. Навоий давлат Кончилик институти ва Банк академиясини тугаллаб, 2005 йилдан буён Учқудуқ туман ҳокими ўринбосари вазифасида ишлаб келган.

Шунингдек, 1979 йилда туғилган Бахтиёр Нормуродович Исоқов шаҳар прокурори, 1987 йилда туғилган Азим Бахронович Мухитдинов шаҳар ички ишлар бўлими бошлиғи, 1983 йилда туғилган Ойбек Облоқулович Жўрақулов Ғозғон солиқ инспекциясини раҳбари лавозимига тайинланди.

Фото: Юксалиш

Маълумот учун, Ўзбекистон Олий Мажлиси Қонунчилик палатасининг «Навоий вилояти Нурота тумани Ғозғон шаҳарчасини Ғозғон шаҳри этиб ўзгартириш, Ғозғон шаҳрини вилоят бўйсунувидаги шаҳарлар туркумига киритиш ҳамда Навоий вилояти Нурота тумани чегараларини ўзгартириш тўғрисида»ги 2019 йил 2 майдаги қарори ҳамда Олий Мажлиси Сенатининг «Навоий вилояти Нурота тумани Ғозғон шаҳарчасини Ғозғон шаҳри этиб ўзгартириш, Ғозғон шаҳрини вилоят бўйсунувидаги шаҳарлар туркумига киритиш ҳамда Навоий вилояти Нурота тумани чегараларини ўзгартириш тўғрисида»ги 2019 йил 3 майдаги қарорига мувофиқ Навоий вилояти бўйсунувидаги Ғозғон шаҳри ташкил этилган.

Аввалроқ Каттақўрғон туманига вақтинчалик ҳокимҚашқадарё ва Наманган вилояти ҳокимига икки маслаҳатчи тайинлангани ҳақида хабар берилган эди.