4-noyabr kuni Navoiy viloyati G‘ozg‘on shahar Kengashi ikkinchi sessiyasi bo‘lib o‘tdi. Unda Azim Bozorov G‘ozg‘on shahar hokimi etib tasdiqlandi, deya xabar bermoqda “Xalq so‘zi Online”.
Azim Bozorov 1975-yil Navoiy shahrida tug‘ilgan. Mutaxassisligi bo‘yicha muhandis, iqtisodchi. Navoiy davlat Konchilik instituti va Bank akademiyasini tugallab, 2005-yildan buyon Uchquduq tuman hokimi o‘rinbosari vazifasida ishlab kelgan.
Shuningdek, 1979-yilda tug‘ilgan Baxtiyor Normurodovich Isoqov shahar prokurori, 1987-yilda tug‘ilgan Azim Baxronovich Muxitdinov shahar ichki ishlar bo‘limi boshlig‘i, 1983-yilda tug‘ilgan Oybek Obloqulovich Jo‘raqulov G‘ozg‘on soliq inspektsiyasini rahbari lavozimiga tayinlandi.
Ma’lumot uchun, O‘zbekiston Oliy Majlisi Qonunchilik palatasining “Navoiy viloyati Nurota tumani G‘ozg‘on shaharchasini G‘ozg‘on shahri etib o‘zgartirish, G‘ozg‘on shahrini viloyat bo‘ysunuvidagi shaharlar turkumiga kiritish hamda Navoiy viloyati Nurota tumani chegaralarini o‘zgartirish to‘g‘risida”gi 2019-yil 2-maydagi qarori hamda Oliy Majlisi Senatining “Navoiy viloyati Nurota tumani G‘ozg‘on shaharchasini G‘ozg‘on shahri etib o‘zgartirish, G‘ozg‘on shahrini viloyat bo‘ysunuvidagi shaharlar turkumiga kiritish hamda Navoiy viloyati Nurota tumani chegaralarini o‘zgartirish to‘g‘risida”gi 2019-yil 3-maydagi qaroriga muvofiq Navoiy viloyati bo‘ysunuvidagi G‘ozg‘on shahri tashkil etilgan.
Avvalroq Kattaqo‘rg‘on tumaniga vaqtinchalik hokim, Qashqadaryo va Namangan viloyati hokimiga ikki maslahatchi tayinlangani haqida xabar berilgan edi.
Izoh (0)