Украиналик таниқли шифокор ва телебошловчи Евгений Комаровский «Ukraina.ru» нашрига берган интервьюсида коронавируснинг уни энг кўп ташвишга солаётган асосий ажабланарли жиҳатини айтди, деб хабар бермоқда Tengrinews.
Комаровскийнинг айтишича, коронавируснинг яққол ва ҳеч қандай шубҳа туғдирмайдиган аломатларига эга одамларда тест салбий натижа кўрсатаётганига кўп бора дуч келмоқда.
Шу билан бирга, Комаровскийнинг мижозлари ва танишларида касалликнинг ҳеч қандай симптомлари бўлмаган бўлса-да, кўпинча юқори даражада антитаналар борлиги аниқланмоқда. Бошқа лабораторияда улар бунга тескари натижа олади.
«Мана шу савол мени касалланган одам организмидаги антитаналар миқдоридан кўра кўпроқ ташвишга солмоқда», — деган шифокор.
Комаровский бу ғалати ҳолатни тестларнинг етарлича юқори сифатга эга эмаслиги билан боғлади. «Афтидан, тестлар билан боғлиқ ҳолат бензин билан боғлиқ ҳолат билан бир хил. Коронавирусга тестлар муваффақиятли бизнес-моделига айланди. Бу тестларнинг сифатини ким назорат қилади, билмайман», — деб таъкидлаган у.
Изоҳ (0)