Венадаги теракт. Асосий маълумотлар

Австрия пойтахтидаги 2 ноябрь оқшомида кетма-кет террорчилик ҳаракатлари юз берди. Террорчилар Венанинг олти жойида ҳужумлар уюштирди. Оқибатда уч киши ҳалок бўлган, камида 15 киши тан жароҳати олган.

Биринчи ҳужум Зайтенштеттенгасседаги синагога (яҳудийлар ибодатхонаси) олдида юз берган. Қолган ҳужумлар эса шаҳар марказида -- Морцинплац, Зальцгрис, Фляйшмаркт, Бауернмаркт ва Грабен кўчаларида юз берган. Ҳужум қилганлар бир неча киши бўлган, улар ўқотар қуролдан фойдаланган. Ҳалок бўлганлар тасодифийлар ўткинчилар эди, ярадорлар орасида полициячилар ҳам бор.

Terrorists still on the run in #Vienna. Map shows the six locations that were targeted in an coordinated attack. Austrian Chancellor says that search ops to eliminate terrorists could take several hours. Causality details also still sketchy. pic.twitter.com/NSSGg9Nr0B

— Aditya Raj Kaul (@AdityaRajKaul) November 2, 2020

Дастлаб ОАВ ҳодиса оқибатида ҳалок бўлганлар сони бўйича бошқача рақамлар берганди – камида етти киши ҳалок бўлгани таъкидланган эди. Бироқ полиция бу маълумотларни тасдиқламади. Олган жароҳатлари оқибатида касалхонада бир аёл ва икки эркак вафот этган, қолганлар эса турли даражада жароҳатланган.

https://twitter.com/GHG19hr/status/1323344876717703168

Ҳужум қилганлардан бири полиция томонидан отиб ўлдирилган, қолганлари эса яширинишга улгурган. Полиция «иссиқ изи совумай» тўрт нафар гумонланувчини ушлаган, бироқ террорчиларнинг бир қисми ҳали ҳам озодликда экани айтилмоқда. Австрия ички ишлар вазири Карл Нехаммер янги ҳужумлар эҳтимоли борлигидан огоҳлантирди. Унинг сўзларига кўра, бир неча қонунбузар ҳали шаҳар марказида бўлиши мумкин. Шу муносабат билан Нехаммер аҳолидан кўчага чиқмасликни сўради.

https://twitter.com/SteveLaws_/status/1323366076491640840

Австрия канцлери Себастьян Курц юз берган ҳодисани «даҳшатли теракт» деб атади. «Республикамиз мураккаб бир даврни бошдан кечирмоқда. Хавфсизлигимиз йўлида, айниқса, бугун ўз жонини хатарга қўяётган шошилинч хизматларнинг барча ходимларига миннатдорчилик билдиришни истардим. Полициямиз ушбу даҳшатли террорчилик ҳужуми учун айбдорларга қарши қатъий чоралар кўради», -- деди у.

Диний ақидапарастларнинг интернетдаги ҳаракатларини кузатиб борувчи SITE Intelligence Group таҳлил порталининг хабар беришларича, Венада юз берган теракт учун жавобгарликни айнан диний ақидапарастлар ўз зиммасига олган ва улар буни Австриянинг ИШИД террорчилик ташкилотига қарши кураш коалициясидаги иштироки учун қасос деб атаган. Австрия 2014 йили ИШИДга қарши кураш бўйича халқаро коалицияга қўшилган эди. Австриянинг коалициядаги иштироки ҳарбий эмас, кўпроқ сиёсий мазмунда бўлиб, мамлакат бетарафлик тамойилини сақлаган ҳолда, асосан диний озчилик вакиллари, хусусан, Ироқ ва Суриядаги насроний ва язидийларга инсонпарварлик ёрдами кўрсатиш билан шуғулланади.

Австрияда хавфсизлик чоралари кучайтирилган, Венадаги бир қатор биноларни қўриқлашни ҳарбийлар ўз зиммасига олган. Мамлакат чегараларида назорат кучайтирилган.