Аёллар учун дўстлик жуда қадрли ва муҳим, сабаби дўст нафақат қийин шароитда ёрдам беради, балки қувончли дақиқаларни ҳам баҳам кўради. Шунингдек, улар ҳаётни бутунлай издан чиқариб юбориши ҳам мумкин.
Жамиятда аёл киши ўртасида дўстлик мавжуд эмас, деган қараш бор. Шундай бўлган тақдирда ҳам улар орасида дўстлик алоқалари ўрнатилаверади.
Аёллар дўст бўла оладими?
Аёллар дўстлиги, албатта, табиатан эркакларникидан фарқ қилади. Эркаклар бунга жуда жиддий қарайди, масалан, севгиси учун ҳеч қачон дўстини тарк этмайди. Шунингдек, улар билан чамбарчас боғланган одат ва машғулотларни ҳам тарк этмайди. Аёллар эса йиллаб бирга бўлган дугонаси билан осонгина хайрлаша олади. Арзимаган сабаб туфайли ёки икки хил танлов учун ҳам алоқаларни узиши мумкин.
Аёл учун дўстлик катта аҳамиятга эга эмас. Чунки дугоналар фақатгина айрим масалаларни ҳал қилиш, мулоқот ва бўш вақтни ўтказиш учунгина керак бўлади. Аёллар ўз доирасига мансуб аёллар билан дўстлашиши мумкин. Масалан, бир боғчага фарзандини олиб борадиган, бир курсда ўқийдиган, бир жойда ишлайдиган каби. Шунинг учун ҳам улар орасидаги дўстлик узоққа чўзилмайди. Болалар мактабга бориши ёки курс якунланиши билан улар орасидаги алоқа ҳам тугайди. Умуман олганда уларни боғлаб турувчи нарса йўқ бўлганлиги туфайли энди дўстликни мантиқсиз деб ўйлайди.
Баъзан ҳаётни издан чиқиб кетишига дўстлар сабабчи бўлиши мумкинлиги хаёлимизга ҳам келмайди.
Бирон манфаатни кўзлаб дўст тутиниш
Ҳамиша ўзига нисбатан пастроқ даражадаги қиз билан дўстлашиш, шу туфайли ҳам ўз қадр-қимматини ошириш, шахсий ҳаётини тартибга солиш, жозибаси камроқ инсон фонида ўзини яхши қилиш услубидаги дўстлик бугунги кунда кам эмас. Бу кўпинча ёш қизлар орасида учрайди.
Ҳасрат қилиш учун дўст
Баъзи хонимлар ўзи тан олишни ёқтирмайди. Уларнинг дўстга эҳтиёжи бўлиб, ҳамиша ҳаётдан шикоят қилади. Ҳаммада ҳам кўпинча дўстига ёмон воқеликларни ҳикоя қилиб бериш одати мавжуд. Лекин улар яхшиликни баҳам кўрмайди.
Манфаат доирасидаги дўстлик
Моддий келишув туфайли инсонлар орасида дўстлик бўлиши мумкин. Масалан, уларнинг бири иккинчисига фақатгина пул ёки фойдали танишлари туфайлигина дўст бўлади. Эҳтимол, уларга шахсий муаммолар умуман аҳамиятсиз бўлиши мумкин. Албатта, бундан ҳайратланишнинг кераги йўқ. Вазият шуни талаб этади.
Дўстга ҳасад қилиш
Айрим аёллар бир дўстини иккинчисига ёмонлаш ҳолати жуда кўп кузатилади. Улар бу ҳолатни шунчаки ҳақиқат ёки муҳокамага йўяди ва ўз қилмишидан уялмайди. Чунки улар ўз жинсига оид вакиллар билан ҳамиша рақобатда бўлади.
Таклиф қилинмаган дўстлик
Деярли барча аёллар ўз ҳаётини дўстлари билан муҳокама қилади. Улар учун ҳар қандай вазиятда ҳам дўстининг фикрини тинглаши муҳим. Шунинг учун ҳам яқин дўстларгина чинакамига психолог сифатида ёрдам беришга ҳаракат қилади.
Лекин нима бўлганда ҳам, аёллардан энг яхши дўст ким деб сўралганда ҳамиша турмуш ўртоғини кўрсатади. Чунки у доимо тинглайди. Сирларга хиёнат қилмайди, кўчага олиб чиқмайди. Олган маълумотлардан ўзингизга қарши фойдаланмайди. Маслаҳат берса, ҳар томонлама ўйлайди. Зарар беришдан манфаатдор эмас, ҳасад қилмайди. Демак, аёллар дўстликка нисбатан турмушда бахтли инсонлардир.
Изоҳ (0)