Кун давомида арзимаган нарсалар асаб бузилишига сабаб бўлиши мумкин: чой пакетини нотўғри очиш, телефонни қувватлагичга қўйдим, деб ўйлагандан кейин уни токка тиқилмаганини, шошилинч юбордим, деб ўйланган хабарни кетмаганини билиш ва ҳакозо. Harvard Business review журналида ёзилишича, кун давомида бу каби микрострессларнинг кузатилиши сурункали чарчоқ ва депрессияга сабаб бўлади.
Дўкон ёки бошқа жойда навбат кутиш
Чарчаган ва шошаётган вақтда касса ходими худди атайлаб секин ҳаракат қилаётгандек, сиздан олдиндаги харидор ҳамёнини узоқ титкилаётгандек ва бўлмағур саволлар бераётгандек туюлади. Тадқиқотда кишилар навбат вақтида стресс, нотинчлик ва ўзига ишонмасликни ҳис қилади, шунингдек, 36 фоиз одам кутганидан кўра кўпроқ вақт тургандек ҳисни туяди.
Навбат кутиш вақтида вақтингизни керакли нарсага сарфланг, китоб ўқинг ёки ёнингиздаги инсон билан керакли мавзуларда суҳбатлашинг. Шунингдек, бу вақтда сиз бошқа пайт қилишга эринган ишларингизни бажаришингиз, масалан, телефонингиз хотирасидан кераксиз нарсаларни ўчириб ташлашингиз мумкин.
Кир ювадиган машина устидаги нарсаларнинг тушиб кетиши
Машина устига қўйилган нарсалар ерга тушиб кетиши мумкин. Бу муаммо кўпинча кир ювадиган машинанинг маҳкамлагичлари билан боғлиқ бўлиши мумкин. Нима бўлган тақдирда ҳам асабларингизни сақлаш учун мутахассисга мурожаат қилинг.
Кун давоми қийналиб, чарчаб ишлагандан кейин болага дарс қилдириш
Ҳамма ҳам боласига энг яхшисини раво кўради, лекин чарчаган асаблари жойида бўлмаган она фарзандига ёрдам бера олмаслиги мумкин. Асабийлашгандан овоз кўтарилади ва қарабсизки дарс ўрнига уриш ва тортишув бўлади. Ота-оналар бола дарсини назорат қилиб турса, яхши натижага эришади деб ўйлайди, лекин Остин ва Дюк университети олимлари бундай эмаслигини исботлади. Аниқланишича, ота-онанинг кичик синфдаги болага ёрдами бефойда, катта синфларда эса имтиҳон синовларида ёмон натижа қайд қилинишига таъсир кўрсатади.
Атрофда ҳамма дам оляпти, фақат сиз ишлаяпсиз
Турмуш ўртоғингизнинг дам олиш куни, дугонангиз ҳордиқ чиқараётган суратини юборяпти, лекин сиз шунга қарамай ишлашга мажбурсиз. Бундай вақтда сизга аниқ ёрдам бера олиши мумкин бўлган рецепт йўқ. Шунчаки тинчланиш техникаларига амал қилиб кўринг, чуқур нафас олинг, тоза ҳавода сайр қилинг, мусиқа тингланг ва медитация билан шуғулланинг.
Оқ кўйлакка тонал крем теккизиб олиш
Оқ кўйлак кийишдан аввал фиксатор ишлатинг. Агар билмаган ҳолда теккизиб олсангиз, доғга водород пероксидини томизиб, артинг ва кейин ювиб ташланг.
Яқинларингиз сизни ўрнингизга ўзини қўйиб кўрмаслиги
Кимгадир ўлиб-тирилиб муҳим бўлган мавзуни тушунтирсанг-у, сени тушунишмаса, қаршингдаги одам ўрнингда бўлиб, вазиятни сенинг кўзинг билан кўриши ва баҳо беришини истайди одам. Бу борада икки хил йўл тутиш керак. Биринчидан, сиз муаммони сизни тушунадиган ва сизга маслаҳат бера оладиган одамга айтиш, иккинчидан эса бошқа бир инсон туйғуларини англатганида унга бепарво бўлмасликни тушунтириш керак. Мутахассислар ўзингизни ҳақ эканлигингизни исботлашга уринмаслик ва шунчаки вазиятга турли баҳо берадиган икки хил одам эканлигингизни айтишни тавсия қилади.
Реклама қўнғироғи ва хабарлари
Турли реклама қўнғироқларидан қутулиш учун телефонингизга қўнғироқни аниқловчи дастурни ўрнатинг. Бундай дастурларнинг аксариятида шубҳали рақамларни автомат тарзда рад этиш функцияси бўлади.
Йил ёки ой якунланишидан аввалги ҳайбаракаллачилик
Ойнинг тугаши ҳисоботлар ёпиладиган, сотувчилар режани бажарадиган, мураккаб лойиҳалар тугатилиб, янги ойни бошлаш учун тайёргарлик кўрадиган вақт ҳисобланади. Бу вақтда ҳамма нарсага улгуриш ва вақтни тўғри тақсимлаш учун учрашувлар тақвимини тузиш, муҳимлилик даражасига қараб ажратиш тавсия қилинади. Дедлайнгача нимани қилиш зарур, нимани бемалол бажарса бўлишини аниқлаб олинг. Қолаверса, ишнинг оғирлилик даражасига реал баҳо беришни унутманг.
Изоҳ (0)