Қовоқ сомсани хуш кўрмайдиган инсонлар камдан кам топилади. Ушбу мазали егулик, айниқса, куз фаслида севиб истеъмол қилинади. Пазанда бекажонлар учун эса дам олиш кунига ажойиб танлов.
Керакли маҳсулотлар:
- Ун − 1 кг;
- Қабартма (разрихлитель) − 6 гр;
- Тухум − 2 дона;
- Маргарин − 200 гр;
- Сут − 360 гр;
- Қовоқ − 600 гр;
- Пиёз − 600 гр;
- Таъбга кўра туз ва зираворлар.
Керакли маҳсулотлар ажратиб олинади.
Хона ҳароратидаги сутга эритилган маргарин ва туз билан тухум қўшиб, аралаштирилади. Сўнгра ун ва қабартма солиниб, хамир қорилади.
Хамир тингунча сомса учун «начинка» тайёрланади. Бунинг учун қовоқ, пиёз майда кубик шаклида тўғралади. Туз ва зираворлар солиб, аралаштирилади.
Хамир кичик зувалаларга бўлинади.
Зувалачалар ёйилиб, ичига «начинка» солинади. Хамир чети аста йиғилиб, думалоқ шаклда тугилади. Устига тухум сариғи суртиб, оқ ва қора кунжутни таъбга кўра сепиш мумкин. Печ қолипи ёғланиб, ярим соатга 180 даражага қўйилади.
Ёқимли иштаҳа!
Изоҳ (0)