Ishtahaochar kartoshkali pirog tayyorlaymiz

Talab qilinadigan mahsulotlar hamda tayyorlanish uslubi oddiygina. Ammo ta’mi og‘izda eriydi. Yegulik 1 soat 20 daqiqa davomida tayyorlanadi.

Kerakli mahsulotlar:

• Tuxum – 2 dona;
• Smetana – 125 gramm;
• Mayonez – 250 gramm;
• Iste’mol sodasi – ½ choy qoshiq;
• Un – 130-160 gramm;
• Piyoz – 1-2 dona;
• Kartoshka – 500 gramm;
• O‘simlik yog‘i – 1 osh qoshiq;
• Sariyog‘ – 1-2 osh qoshiq;
• Tuz va ziravorlar.

1. Tuxum, sematana, mayonez, ichimlik sodasiga bir chimdim tuz solib, yaxshilab aralashtiriladi.
2. Oz-ozdan un solinib, xamir qoriladi. Xamir smetana kabi quyuq ko‘rinishda bo‘lishi kerak.
3. Piyoz mayda to‘g‘ralib, sariyog‘da 4-5 daqiqa qovuriladi.
4. Piyoz sovigandan so‘ng somoncha shaklida to‘g‘ralgan kartoshka aralashtiriladi va tuz, ziravorlar sepiladi.
5. Qolip yog‘lanib, xamirning bir bo‘lagi uning ichiga joylashtiriladi. Tayyor bo‘lgan “nachinka” xamir ustiga joylashtiriladi. Ustki qismi xamirning qolgan bo‘lagi bilan yopiladi.
6. Pechda 180 darajada 1 soat davomida pishiriladi. Pirog didga ko‘ra bezatilib, dasturxonga tortiladi.