«Спартак» ярим ҳимоячиси Остон Ўрунов Россия Премьер Лигасининг 13-туридан ўрин олган «Ростов»га қарши баҳсда (0:1) жароҳат олди.
19 ёшли ўзбекистонлик футболчи учрашувнинг 80-дақиқасида майдонга тушганди, бироқ орадан 6 дақиқа ўтгач у оқсоқланиб, майдонни тарк этди.
Эслатиб ўтамиз, Ўрунов Ўзбекистон терма жамоасининг октябрь ойидаги йиғинига жалб этилган, бироқ эски жароҳатининг қайталагани сабаб йиғинни эрта тарк этганди.
19 ёшли Ўрунов РПЛ 2020/21 йилги мавсумида олтита ўйинда майдонга тушиб, иккита сариқ карточка олди.
«Спартак» 5 август куни «Уфа»дан Ўруновни сотиб олганини эълон қилганди. 19 ёшли футболчининг трансфери пойтахт клубига 2 миллион еврога тушгани ва Остоннинг йиллик маоши 600 минг еврони ташкил этиши хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)