Илҳом Маҳкамовга Ўзбекистон транспорт вазири вазифасини бажариш юклатилди. Бу ҳақда Адлия вазирлиги матбуот хизмати хабар берди.
Ҳукуматнинг бу ҳақдаги тегишли қарори 30 октябрда қабул қилинган.
Транспорт вазирлиги 2019 йил февралида автомобиль, темир йўл, ҳаво, дарё транспорти, метрополитен, шунингдек, йўл хўжалиги соҳасидаги давлат бошқаруви органи сифатида ташкил этилган ва унга Очилбой Раматов раҳбар этиб тайинланганди.
2020 йил январида Очилбой Раматов ўрнига Элёр Ғаниев тайинланган ва шу йилнинг августида бошқа ишга ўтиши муносабати билан лавозимидан озод этилган, шундан буён ушбу лавозим вакантлигича қолганди.
Илҳом Маҳкамов лавозимга тайинлангунига қадар транспорт вазирининг биринчи ўринбосари бўлган.
Изоҳ (0)