Американинг CarCookieCutters сайтида турли автомобиллар, шунингдек, уларнинг эҳтиёт қисмлари ва маркаларнинг логотиплари кўринишида печенье тайёрлашда ёрдам берадиган шакллар сотувга қўйилди. Бу каби ошхона аксессуарининг нархи 7 доллардан бошланади, деб хабар беради Motor.
Автомобилли печеньени тайёрлаш учун 3D принтерда чоп этилган махсус шаклдан фойдаланиш керак. Айни вақтда Америка портал орқали Audi, BMW, Ford, шунингдек, Honda ва Toyota’нинг турли моделлари шаклини харид қилиш мумкин.
Тўлақонли автомобилдан ташқари уларнинг дизайни элементлари ва машина интерьерига оид турли шакллар ҳам бор. Масалан, Lexus, Tesla, Subaru ёки BMW логотипи кўринишидаги печеньеларни тайёрлаш мумкин. Шунингдек, ошхона аксессуарлари рул чамбараги, радиатор панжарали фаралар ёки шиналар тайёрлаш имконини ҳам беради.
Мазкур ошхона аксессуарининг нархи 7 доллардан бошланади. Ушбу пулга битта марканинг логотипини харид қилиш мумкин холос. 10 доллар эса тўлиқ автомобиль шаклига эга печенье тайёрласа бўлади, 15 долларга автомобиль жамланмаси сотилади.
Мавзуга доир: Porsche 911 мотори кўринишидаги қаҳва тайёрловчи машина тақдим этилди. У иккита Lada Granta’дан қимматроқ туради
Изоҳ (0)