Украина Давлат авиация маъмурияти Windrose авиакомпаниясига Киевдан Тошкентга тўғридан-тўғри рейсларни очишга рухсат берди, деб ёзади «Avianews.com»га таяниб Spot.
Авиакомпания Киев–Тошкент рейсларини чартер асосида ҳафтасига икки марта амалга ошириши мумкин. Рейслар очишга бўлган рухсат 2021 йил 27 мартгача амал қилади.
Ҳозирда Украина ва Ўзбекистон ўртасида доимий рейслар амалга оширилмаяпти. Рейслар 2015 йилда авиакомпаниялар – «Ўзбекистон ҳаво йўллари» ва «Украина халқаро ҳаво йўллари» ўртасидаги зиддият туфайли тўхтатилган эди.
Windrose Airlines – Борисполь халқаро аэропортида жойлашган Украинанинг чартер авиакомпанияси. Авиакомпания 2003 йилда ташкил этилган. У Европа, Туркия, Исроил ва Миср йўналишлари бўйича чартер рейсларини амалга оширади
Мавзуга доир:
- Uzbekistan Airways ва «Ўзбекистон темир йўллари» монополияси Сенат қўмитаси мажлисида муҳокама қилинди
- Uzbekistan Airways 2020 йилда ҳам лоукостер ташкил этмайди. Компания шундай авиакомпания ташкил этилишини 2018 йилдан бери айтиб келади
- Uzbekistan Airways 2–3 ноябрь кунлари Тошкент—Токио—Тошкент йўналишида қатновни амалга оширади
Изоҳ (0)