Ukraina Davlat aviatsiya ma’muriyati Windrose aviakompaniyasiga Kiyevdan Toshkentga to‘g‘ridan to‘g‘ri reyslarni ochishga ruxsat berdi, deb yozadi “Avianews.com”ga tayanib Spot.
Aviakompaniya Kiyev–Toshkent reyslarini charter asosida haftasiga ikki marta amalga oshirishi mumkin. Reyslar ochishga bo‘lgan ruxsat 2021-yil 27-martgacha amal qiladi.
Hozirda Ukraina va O‘zbekiston o‘rtasida doimiy reyslar amalga oshirilmayapti. Reyslar 2015-yilda aviakompaniyalar – “O‘zbekiston havo yo‘llari” va “Ukraina xalqaro havo yo‘llari” o‘rtasidagi ziddiyat tufayli to‘xtatilgan edi.
Windrose Airlines – Borispol xalqaro aeroportida joylashgan Ukrainaning charter aviakompaniyasi. Aviakompaniya 2003-yilda tashkil etilgan. U Yevropa, Turkiya, Isroil va Misr yo‘nalishlari bo‘yicha charter reyslarini amalga oshiradi
Mavzuga doir:
- Uzbekistan Airways va “O‘zbekiston temir yo‘llari” monopoliyasi Senat qo‘mitasi majlisida muhokama qilindi
- Uzbekistan Airways 2020-yilda ham loukoster tashkil etmaydi. Kompaniya shunday aviakompaniya tashkil etilishini 2018-yildan beri aytib keladi
- Uzbekistan Airways 2–3-noyabr kunlari Toshkent—Tokio—Toshkent yo‘nalishida qatnovni amalga oshiradi
Izoh (0)