Футбол бўйича Coca-Cola Суперлига 21-турида «Насаф» 26 октябрь, душанба куни «Металлург» майдонида меҳмон бўлди.
Учрашувда устунлик меҳмонлар томонида бўлди, бироқ Рўзиқул Бердиев шогирдлари учрашув охирига бориб ҳисобни очишга эришди.
Захирадан майдонга қўшилганига кўп бўлмаган Бобур Абдухолиқов 75-дақиқада қаршиликларнинг дастлабки голини урган бўлса, орадан кўп ўтмай Дилшод Саитов ҳисобни мустаҳкамлади.
Мазкур ғалабадан кейин «Насаф» очколарини 43 тага етказиб олди ва мусобақа жадвалида 2-ўринга кўтарилди. «Металлург» (32) 6-поғонада қолди.
«Насаф» кейинги турда «Қўқон-1912»ни қабул қилади, бекободликлар эса «Сўғдиёна» майдонига сафар қилади.
Coca-Cola Суперлига
21-тур баҳси
26 октябрь, душанба
«Металлург» — «Насаф» 0:2
Голлар: 0:1 – 75 Абдухолиқов, 0:2 – 81 Саитов.«Металлург»: Александр Лобанов, Аббос Отахонов, Дониёр Нарзуллаев, Саламат Қуттибоев (Зоҳид Абдуллаев, 83), Муродбек Бобожонов (Шаҳзод Убайдуллаев, 60), Аброр Тошқўзиев (Абдураҳмон Абдулҳақов, 60), Камолиддин Тожиев, Ихтиёр Тошпўлатов, Станислав Андреев, Муҳаммад Исаев, Евгений Чумак.
«Насаф»: Абдувоҳид Неъматов, Ҳусниддин Алиқулов, Дилшод Саитов, Шароф Муҳитдинов, Ҳусаин Норчаев (Дилшод Раҳматуллаев, 79), Ислом Кенжабоев (Бобур Абдиҳолиқов, 62), Акмал Мозговой (Жўрабек Маннонов, 86), Шерзод Насруллаев, Ойбек Бозоров (Абубакрризо Турдалиев, 86), Марко Станоевич, Умар Эшмуродов.
Огоҳлантиришлар: Андреев (28), Эшмуродов (32), Отахонов (32), Тожиев (82).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)