Футбол бўйича Coca-Cola Суперлига 21-турида «Қўқон-1912» 26 октябрь, душанба куни ОКМКни қабул қилди.
Учрашувда тенг кураш кечди ва майдон эгалари сўнгги дақиқалардаги гол эвазига ғалабани қўлга киритди. Мурод Холмуҳаммедов 79-дақиқада узоқ масофадан дарвозани аниқ нишонга олган ҳолда жамоасининг ғалабасини таъминлади.
Ушбу ғалабадан кейин Бахтиёр Ашурматов жамоасининг очколари 38 тага етди ва улар 4-ўринда бормоқда. ОКМК эса 42 очко билан иккинчи ўринда қолди.
Қўқонликлар кейинги турда «Насаф» майдонига сафар қилса, Олмалиқ жамоаси «Пахтакор»ни меҳмон қилади.
Coca-Cola Суперлига
21-тур баҳси
26 октябрь, душанба
«Қўқон-1912» — ОКМК 1:0
Гол: 1:0 – 79 Холмуҳаммедов.«Қўқон-1912»: Музаффар Абдуллаев, Бобур Акбаров, Суҳроб Бердиев, Қувондиқ Рўзиев, Аваз Маматхўжаев, Ойбек Рустамов, Муҳаммаданас Ҳасанов (Иқбол Маликжонов, 86), Александр Мерзляков, Иван Ёсович, Филип Раевац (Шоҳназар Норбеков, 61) (Ҳамидулло Абдуҳамидов, 71), Мурод Холмуҳаммедов.
ОКМК: Суҳроб Султонов, Сардор Раҳмонов (Дилшод Жўраев, 82), Мурод Тошматов, Санжар Турсунов, Баҳром Абдураҳимов (Шаҳзод Нурматов, 63), Мирғиёс Сулаймонов, Мате Вацадзе (Жасур Умаров, 74), Ёван Жокич, Бобур Йўлдошев, Арслонмират Аманов (Элгужа Григалашвили, 63), Ҳусниддин Ғофуров (Зафар Полвонов, 74).
Огоҳлантиришлар: Турсунов (77), Йўлдошев (90+2), Рўзиев (90+2).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)