Xiaomi ўзининг «ақлли» каравотини намойиш этди (видео)

Xiaomi компанияси электр энергиясида ишлайдиган бешта режим, интеллектуал овозли бошқарув ва бошқа кўплаб функцияларга эга 8H Milan «ақлли» каравотини тақдим этди, деб хабар беради Hi-Tech.Mail.ru.

Қурилманинг асосини тўрт моторли двигатель ташкил этади. У матраснинг оғиш даражасини бошқаради: унинг айрим қисмлари кўтарилган вақтда бошқа томонлари тушади. Ушбу янгилик жами бешта режимда ишлай олади: уйқу, ўқиш, «антихуррак», вазнсизлик ва ТВ томоша қилиш режимлари.

«Aқлли» каравотни масофадан туриб бошқарувчи пульт, MIJIA иловаси ёки ХiaoAl овозли ёрдамчиси орқали бошқариш мумкин.

Ишлаб чиқарувчининг таъкидлашича, каравот қопламасига сув ҳам қўрқинчли эмас, пружинали матрас эса махсус қаттиқ материаллардан ишланган бўлиб, тананинг турли қисмларига тутиб туришга мос келади. Шу сабабли барча жой ва ҳолатда идеал босим пайдо бўлади.

8H Milan каравотини 4899 юанга (732 доллар) харид қилиш мумкин.

Эслатиб ўтамиз, шу йилнинг июнь ойида Xiaomi «ақлли» пардаларни тақдим этганди.