Xiaomi’нинг 8К-телевизори 7,5 минг доллар қийматида сотувга чиқди

Xiaomi компанияси Хитойда 8К сифатли ўзининг илк премиум телевизорини сотувга чиқарди, деб хабар беради Hi-Tech.Mail.ru.

Xiaomi Mi TV LUX фақатгина ўзининг сифат тиниқлиги билан қиммат турмайди, балки унинг диагонали ҳам улкан — 82 дюймли панель. Компания 2000 нитли ёруғлик ва 930 зонли локал ёритишни ваъда қилган бўлиб, умумий контраст 400 000:1 га тенг.

Ягона камчилиги — Mi TV LUX матрицаси 60 герцли янгиланиш частотасида ишлайди. Аммо бугунги кунда қиммат 4К-телевизорлар учун 120 герц стандартга айланган. Шунга қарамай, Xiaomi’нинг янги телевизори HDR10+ ҳамда 8К’гача бўлган паст сифатдаги контентларни ҳам қўллаб-қувватлайди.

Шунингдек, ушбу телевизорга 5G-модель ҳам ўрнатилган. Бугунги кунда Хитойда мобил интернетнинг янги авлоди ривожланмоқда, шу сабабли ҳозирда унинг тезлиги симли интернет билан беллаша олади. Android ТВ’да ишлайдиган телевизорга 4 гигабайт тезкор ва 256 гигабайт ички хотира ўрнатилган.

Айни вақтда ушбу телевизорни Хитойда 49 999 юанга (7500 доллар) харид қилиш мумкин.

Аввалроқ Жанубий Кореяда LG’нинг «рулон-телевизор»и 88 минг доллар қийматида сотувга чиққани тўғрисида хабар берилганди.