Жанубий Кореянинг LG компанияси рулон каби ўраладиган телевизорни 2019 йилнинг бошларида тақдим этган, бироқ унинг савдосини суриб келаётган эди. Орадан икки йил ўтиб дўконлар пештахтасида ушбу телевизор пайдо бўлди, деб хабар беради Hi-Tech.Mail.ru.
LG Signature OLED ТV бу — рулон шаклида ўраладиган биринчи телевизор. Йиғилган ҳолатда у худди кенг тагкурсига ўхшайди, бироқ ёқилганида том маънода корпусидан чиқиб келади. Буни эгилувчан OLED панел ёрдамида амалга оширишга муваффақ бўлинган, аммо бу турдаги конструкция қанча муддат хизмат қилиши номаълум.
Бу мутлақо дизайнерлик ечими ҳисобланади — конструкциянинг ўзига хослигини таъминлайдиган биргина функция мавжуд. Махсус режимни ёқиш орқали корпусдан дисплейнинг фақатгина бир қисмини чиқариш ва у орқали вақт, об-ҳаво ҳамда бошқа фойдали маълумотларни кузатиш мумкин.
LG компанияси «рулон-телевизор»ни CES 2019 кўргазмасида тақдим этганди, бироқ у эндигина сотувда пайдо бўлди. Телевизор Жанубий Кореядан ташқарида ҳам сотилиш ёки сотилмаслиги ҳозирча номаълум. Кореянинг ўзида ушбу телевизор нархи 100 миллион вонни (88 минг доллар) ташкил этмоқда.
Эслатиб ўтамиз, шу йилнинг июль ойида LG «рулон-смартфон» тайёрлаётгани, қурилма экрани корпусдан тортиб чиқарилиши тўғрисида хабар берилганди.
Мавзуга доир: Xiaomi дунёдаги биринчи шаффоф телевизорни тақдим этди
Изоҳ (0)