АҚШ яқин кунлар ичида COVID-19 коронавирус инфекциясига қарши Америка вакцинаси тайёр бўлганини эълон қилишни режалаштирмоқда. Бу ҳақда АҚШ президенти Дональд Трамп Демократлар партияси номзоди Жозеф Байден билан ўтказилган сайловолди теледебатларининг сўнгги раундида маълум қилди, деб хабар беради «РБК».
«Бизда тез орада пайдо бўладиган вакцина мавжуд. У тайёр. Бу ҳақда бир ҳафта ичида эълон қилинади ва у америкаликларга тарқатилади», — дейди Трамп.
Америка президентининг таъкидлашича, мамлакат бўйлаб вакцинани тарқатиш масаласи билан Пентагон шуғулланмоқда. Шунингдек, у вакциналар устида иш олиб бораётган компанияларни санаб ўтган. Улар орасида Johnson & Johnson, Moderna, Pfizer ва бошқа компаниялар бор.
NBC телеканали мухбири Кристен Уэлкер Трампдан нима учун вакцинани яратиш масалалари билан шуғулланаётган мансабдорлар у АҚШда 2021 йилдан эртароқ пайдо бўлмаслигини айтганини сўраган.
«Йўқ, мен айтган муддатлар анча аниқроқ. Улар вакцина тарқатиш ишида ҳарбий хизматчиларга мен каби ишонадими ёки йўқ, билмайман», — дейди Трамп.
Сентябрь ойининг ўрталарида АҚШ президенти коронавирусга қарши вакцинанинг мамлакат аҳолиси ўртасида кенг тарқатиш октябрь ойидан бошланишини маълум қилганди.
Аввалроқ Ўзбекистонда коронавирусга қарши Хитой вакцинасининг клиник синовлари ўтказилиши мумкинлиги тўғрисида хабар берилганди.
Мавзуга доир:
Изоҳ (0)