«Барселона» бош мураббийи Рональд Куман Ла Лига 7-тури доирасида «Реал»га қарши кечадиган баҳс олдидан ўз фикрлари билан ўртоқлашди.
Ўйлашимча, ҳар икки жамоа ҳам жуда катта босим остида турибди. Ўйин аввалги учрашувлар натижасига боғлиқ бўлмайди, улар учун ҳам, биз учун ҳам. Балки, «Реал» сўнгги икки ўйинда ўз даражасида иштирок эта олмагандир, бироқ бу улар «Эль-Класико»га ёмон кайфиятда келишини англатмайди.«Барселона» — «Реал» учрашуви 24 октябрь куни Тошкент вақти билан 19:00 да бошланади.«Реал» — босимни осонликча енгиб ўта оладиган, тажрибали ўйинчиларга эга кучли жамоа. Улар ғалаба кераклигини билиб турибди.
Уларда ҳам, бизда ҳам мотивация етишмовчилиги бўлмайди. «Реал»нинг ожиз нуқталари кўриниб қолади деб ўйламайман, аксинча. Улар учун Рамоснинг ўйнаши муҳим. У ажойиб марказий ҳимоячи, майдонда юқори даражада ҳаракат қилади. Унинг майдонга қайтиши ўйинга таъсир қилиши мумкин.
«Эль-Класико» — бу доим ўзига хос қарама-қаршилик. Биз уй ўйинида ғолиб чиқишни, ишончни мустаҳкамлаш ва тўғри йўлда эканимизни кўрсатиб қўйишни истаймиз.
Рональд Куман, «Барселона» бош мураббийи
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)