Ярим енгил вазн тоифасида АCА рейтинги етакчиси Магомедрасул Хасбулаев амакиваччаси Ҳабиб Нурмагомедов отасининг ўлимидан кейин қай даражада ўзгаргани ҳақида гапирди.
«У энди фақат ўзигагина таяна олишини англаб етди. Абдулманап энди ёнида йўқлигини тушунди, шу сабаб айрим ҳолатларда аввалгидан кўпроқ меҳнат қилмоқда. Ҳабиб Гэтжига қарши тўқнашувда аввалги жангларидан кўра кўпроқ мотивация билан ҳаракат қилади деб ўйлайман.
Ҳабиб доим етакчи бўлган. У MMA’нинг энг юқори промоушенида ҳаракат қилади ва унда чемпионлик камарига эга. Шундай бўлса-да у ҳеч қачон манманликка берилмаган ва ўз обрўйи билан мақтанмайди. У жамоадаги барча билан бир хил оҳангда гаплашади, уларни қўллаб-қувватлайди ва маслаҳатлар беради», — дейди Хасбулаев.
Эслатиб ўтамиз, 58 ёшли Адбулманап Нурмагомедов 3 июль куни коронавирус асоратлари оқибатида вафот этди.
Ҳабиб Нурмагомедов 24 октябрь оқшомида UFC 254 мусобақасида Жастин Гэтжига қарши жанг қилади. Қайд этиш жоиз, UFC 254 мусобақасида ўзбекистонлик Лилия Шокирова ҳам иштирок этади. Ушбу мусобақани бу ерда томоша қилиш мумкин — ҳавола.
Мавзуга доир: Ҳабиб Нурмагомедов: «Мен қаттиққўл ота бўлишни хоҳлайман»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)