«Барселона» футболчилари маошларнинг камайтирилиши бўйича клуб раҳбариятига норозилик хатини йўллади. Бу ҳақида Marca нашри хабар бермоқда.
«Клуб ўз хабарномасида келтирилган далиллари орқали бизнинг ҳуқуқларимизни бузмоқда ва биз бунга тоқат қила олмаймиз. Харажатларни камайтиришнинг ягона йўли сифатида клубнинг барча бўлимлари билан биргаликда ҳаракат қилиши кўрилмоқда. Клуб раҳбарияти бунга ишонмоқда. Бироқ улар айрим бўлимларда ўзлари хоҳлаган иқтисодий тузатишларни амалга ошириб, гапирган гапларига қарши иш қилиб бўлгани ҳам ҳақиқат», — дея хатдан иқтибоқ келтиради Marca.
Қайд этилишича, футболчилар хатни биргаликда йўллаган. Улар ушбу муаммони ҳамжиҳатликда ҳал қилишни режалаштирган. Қайд этиш жоиз, аввалроқ Марк-Андре тер Штеген, Клеман Лангле, Френки де Йонг ҳамда Херард Пике клуб билан шартномаларини узайтирган эди. Шунга қарамай улар ҳам жамоалари билан бирга эканлиги таъкидланмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)