«Барселона» ҳужумчиси Лионель Месси «Реал»га қарши баҳс олдидан аввалги ўйинлар, шунингдек, Криштиану Роналду ҳақида фикрларини билдириб ўтди.
Роналду билан қарама-қаршиликлар ўзгача бўлган ва шундай бўлиб қолади. У жуда узоқ вақт давом этди. Юқори даражани эса узоқ йиллар давомида сақлаб туриш осон иш эмас. Роналду билан ўртамиздаги дуэл шахсий тарафдан қараганда ҳам жуда яхши бўлган ҳамда бу одамларга ҳам ёққан деб ўйлайман. «Реал», «Барселона» ва умуман футбол ихлосмандлари қойилмақом томоша гувоҳига айланди. Уларга янада кўпроқ ҳис-туйғуларни ҳадя этишга умид қиламиз. Криштиану «Реал»да бўлган вақтлари «Эль-Класико»ларнинг ўзгача ўтгани ҳаммага маълум. Бу ўйинлар бошқача характерли эди, аммо Криштиану майдонда бўлганда унинг аҳамияти яна ҳам ортарди. Бироқ энди буларнинг бари ортда қолди. Биз энди сабрсизлик билан янги чақирувларни кутяпмиз. Чоршанба куни муаммо юз бериши мумкин. Лекин биз Криштианунинг коронавирусдан тузалиб, ушбу баҳсда майдонга тушишини умид қиламиз.Эслатиб ўтамиз, аввалроқ Роналдунинг ўйинга 24 соат қолганида коронавирус тестидан муваффақиятли ўта олса, «Барселона»га қарши учрашувда қатнашиш ҳуқуқига эга бўлиши ҳақида хабар қилинганди.Лионель Месси, «Барселона» ҳужумчиси
Маълумот учун, «Барселона» 24 октябрь, шанба куни Ла Лига доирасида «Реал»га қарши баҳс олиб боради. 28 октябрь, чоршанба куни эса Туринда «Ювентус»га қарши майдонга тушади.
Голлар тўплами:
- Криштиану Роналдунинг «Реал» сафидаги шедевр голлари
- Криштиану Роналдунинг «Реал» сафида жарима зарбасидан урган барча голлари
- Лионель Мессининг «Реал» дарвозасига «Камп Ноу»да урган 10 та голи
- Лионель Мессининг «Сантьяго Бернабеу»да «Реал»га урган энг қойилмақом голлари
- Лионель Мессининг жарима майдони ташқарисидан урган топ-10 голи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)