General Motors 1000 от кучига эга ўзининг биринчи Hummer тўлиқ электропикапини тақдим этди, деб хабар беради TechCrunch. Электромобиль тақдимоти 2020 йилнинг 20 майида ўтказилиши керак эди, бироқ пандемия сабаб муддат сурилган.
Пикап худди оригинал Hummer каби «жаҳлдор» кўринишга эга. Стандарт жамланмадан Goodyear Wrangler Territory МТ шиналари кийдирилган 35 дююмли ғилдираклар ўрин олган, пастки юза эса деярли тўлиқ пўлат листлар билан ёпилган. Бошқа вариантда эса шиналар 37 дюймли. Пневматик «подвеска» тизими автомобилни қўшимча 149 миллиметрга кўтара олади.
Автомобиль тахминан уч сония ичида соатига 100 километр тезликка эриша олади. Тўлиқ бошқарилувчи шасси унга Crabwalk режимида («Қисқичбақа режими») диагоналига ҳаракатланиш имконини беради: тезлик пастлигига олд ва орқа ғилдираклар бир хил томонга бурила олади.
Hummer GM’нинг Super Cruise ярим автомат бошқарув тизими билан жиҳозланган. Аккумулятор 800 волтли қувватланишга уланиб, автомобилнинг 160 километр масофа босишига етадиган зарядни 10 дақиқада тақдим этади. Аккумулятор сиғими ошкор этилмаган.
Икки узатмали электр Hummer EV2’нинг энг ҳамёнбоп варианти 80 минг доллар туради — унда «пневмоподвеска» ва ярим бошқарилувчи шасси бўлмайди, шунингдек, қувватланиш ҳам 400 волтга туширилади. Бу эса автомобиль бир марта қувватланиш орқали 402 километргина йўл босишини таъминлайди холос.
Шунингдек, 100 минг доллар эвазига харидор 811 от кучи ва 12 880 Нм айланувчи моментга эга учта двигателли Hummer EV3х’ни қўлга киритиши мумкин. У бир марта қувватланиш орқали 483 километр йўл босишга қодир. Мазкур версия 2022 йилнинг кузида сотувга чиқади.
Иккита моторга эга EV2х эса 90 минг доллар нархида 2023 йил баҳорида сотувга чиқади. Ундаги электродвигатель 634 от кучи ва 10 044 Нм айланувчи моментни тақдим этишга қодир.
Эслатиб ўтамиз, 2020 йилнинг General Motors ўзининг биринчи ҳайдовчисиз автомобилини тақдим этган эди.
Изоҳ (0)