Учтепа тумани ҳудудига парранда гриппи касаллиги кириб келиши ва тарқалишининг олдини олиш, шунингдек, санитар-эпидемиологик осойишталикни ва аҳоли саломатлигини сақлаш мақсадида бир қатор тадбирлар амалга оширилмоқда. Бу ҳақда Учтепа туман ҳокимлиги матбуот хизмати хабар қилди.
Хусусан, Учтепа тумани ФВБ ходимлари, туман санитария-эпидемиология хизмати ходимлари ҳамда МФЙ фаоллари билан биргаликда туманида жойлашган маҳаллалардаги хонадонларда бўлишиб, хонадон эгаларига паррандаларнинг юқори потогенли гриппи касаллигининг олдини олиш ва унга қарши курашиш бўйича амалий маслаҳат ва тавсиялар берилди.
Ветеринария ходимлари уй ҳайвонлари ва паррандаларни эпизоотик режага асосан клиник кўрикдан ўтказиб, юқумли касалликларга қарши эмлаш ишларини амалда кўрсатиб берди.
Аввалроқ Қозоғистоннинг тўртта ҳудудида парранда гриппи тарқалгани ҳақида хабар берилганди.
Изоҳ (0)