Uchtepa tumani hududiga parranda grippi kasalligi kirib kelishi va tarqalishining oldini olish, shuningdek, sanitar-epidemiologik osoyishtalikni va aholi salomatligini saqlash maqsadida bir qator tadbirlar amalga oshirilmoqda. Bu haqda Uchtepa tuman hokimligi matbuot xizmati xabar qildi.
Xususan, Uchtepa tumani FVB xodimlari, tuman sanitariya-epidemiologiya xizmati xodimlari hamda MFY faollari bilan birgalikda tumanida joylashgan mahallalardagi xonadonlarda bo‘lishib, xonadon egalariga parrandalarning yuqori potogenli grippi kasalligining oldini olish va unga qarshi kurashish bo‘yicha amaliy maslahat va tavsiyalar berildi.
Veterinariya xodimlari uy hayvonlari va parrandalarni epizootik rejaga asosan klinik ko‘rikdan o‘tkazib, yuqumli kasalliklarga qarshi emlash ishlarini amalda ko‘rsatib berdi.
Avvalroq Qozog‘istonning to‘rtta hududida parranda grippi tarqalgani haqida xabar berilgandi.
Mavzuga doir:
Izoh (0)