TikTok-блогерлар ўзларининг роликларига мос келадиган жойни қидириши тобора оммалашиб бормоқда. Ижтимоий тармоқ сабаб АҚШда кўчмас мулкларнинг янги тури — контент уйлар ёки ҳамкорликдаги иш учун уйлар пайдо бўлади. Таниқли блогерлар ўз роликлари учун фон сифатида ижарага олинган қиммат кошоналардан фойдаланиши мумкин, деб ёзади Bloomberg CityLab.
Кўчмас мулк агентларининг сўзларига кўра, бу каби уйларда лифт, бассейн ва террасадан ажойиб манзаралар ўрин олади. «Агарда сиз ойига 30 мингдан 50 минггача сарфлайдиган бўлсангиз, у ерда сизга керакли барча қулайликлар, хусусан, кенг макон ва автотураргоҳлар, ошхона ва умумий фойдаланишга мўлжалланган жойлар бўлиши керак», — дейди Дуглас Эллиман вакили Жош Пикер.
Таъкидланишича, TikTok-блогерларни ҳашаматли «коммуналка» яратишга илҳомлантирган илк платформа эмас. Бир неча йил олдин бу каби бирлашмалар YouTube ва ҳозирда кўпчиликнинг ёдидан чиқиб кетган Vine роликлар муаллифлари учун ҳам яратилган.
Ҳукумат вакиллари коронавирус пандемияси фонида бу каби бирлашмаларга нисбатан танқидий фикр билдирган. Лос-Анжелес прокурори Майк Фоернинг сўзларига кўра, 19 миллион обуначиси бор блогер бошқача хулқ-атвор намунасини кўрсатиши керак. Бундан ташқари, бадавлат инсонлар яшайдиган даҳалар аҳолиси «селфига тушувчи ўсмирлар» сабаб ўзларини ноқулай ҳис қилиши мумкин.
Мавзуга доир: Ўзбекистонлик Раҳим Абрамов Россиянинг энг сердаромад тиктокери деб топилди. У бир йилда 10 млн рубль ишлаб топган
Изоҳ (0)