Ғазабга минган Ford Mustang ҳайдовчиси автотураргоҳда ўзини хафа қилган Nissan’ни бориб урди (видео)

Шаҳар марказидаги автотураргоҳдан жой қидириш ҳар қандай одамнинг асабийлашишига олиб келиши мумкин. Айниқса, машинани қўйишни режалаштираётган жойни бошқа бир ҳайдовчи эпчиллик қилиб, «тортиб олса». CARakoom худди шу каби вазиятда асабийлашган ҳайдовчининг видеоси билан бўлишди.

Можаро айнан нимадан келиб чиққани номаълум, чунки видео бошланганидан Ford Mustang ҳам, Nissan ҳам автотураргоҳ ҳудудида жойлашмаган.

Шунда қарамай дастлабки кадрлардан кўриш мумкинки, Nissan йўловчиси машинадан тушиб бир неча бор қизил Mustang’ни тепган. Шудан сўнг Nissan’нинг ҳайдовчиси ва йўловчиси машинага қайтган, Mustang ҳайдовчиси эса ўз машинасига ўтирган.

Вазиятни маданиятли тарзда ҳал этиш ўрнига Mustang ҳайдовчиси Nissan’нинг ҳайдовчи ўтирадиган эшигига бориб машинани урган. Nissan’ни орқада суриб ташлаш учун газ тепкисини охиригача босган, бироқ бу фақатгина орқа ғилдиракларнинг айланишига олиб келган. Nissan ҳайдовчиси воқеа жойидан кетишга қарор қилади, бироқ Mustang унинг ортидан эргашган.

Видеоролик сўнгида полиция сиренасини эшитиш мумкин, бу ҳуқуқ-тартибот ходимлари воқеа жойига тезда етиб келишганини англатади.